రేపే గంగ ఎక్స్ ప్రెస్- వేకు శంకుస్థాపన

రేపే గంగ ఎక్స్ ప్రెస్- వేకు శంకుస్థాపన

గంగ ఎక్స్ ప్రెస్- వే నిర్మాణానికి 2021వ సంవత్సరం డిసెంబర్ 18 న మధ్యాహ్నం ఒంటి గంట వేళకు ఉత్తర్ ప్రదేశ్ లోని శాహ్ జహాన్ పుర్ లో ప్రధాన మంత్రి నరేంద్ర మోదీ శంకుస్థాపన చేయనున్నారు.

శీఘ్ర గతి తో కూడిన సంధానాన్ని దేశమంతటా సమకూర్చాలి అన్న ప్రధాన మంత్రి దార్శనికత ఈ ఎక్స్ ప్రెస్- వే నిర్మాణాని కి ప్రేరణ గా ఉంది. 594 కిలో మీటర్ల మేర ఆరు దోవల తో కూడిన ఎక్స్ ప్రెస్- వే ను 36,200 కోట్ల రూపాయల కు పైగా ఖర్చు తో నిర్మించడం జరుగుతుంది. మేరఠ్ లోని బిజౌలీ గ్రామ సమీపం లో ఆరంభం అయ్యే ఈ ఎక్స్ ప్రెస్- వే ప్రయాగ్ రాజ్ లోని జుదాపుర్ దాండూ గ్రామం సమీపం వరకు విస్తరించి ఉంటుంది. అది మేరఠ్, హాపుడ్, బులంద్ శహర్, అమ్ రోహా, సంభల్, బదాయూఁ, శాహ్ జాహన్ పుర్, హర్ దోయీ, ఉన్నావ్, రాయ్ బరేలీ, ప్రతాప్ గఢ్, ఇంకా ప్రయాగ్ రాజ్ ల గుండా సాగుతుంది. దీని నిర్మాణ పనులు పూర్తి అయిన మీదట ఇది ఉత్తర్ ప్రదేశ్ లోని రాష్ట్రం లోని పశ్చిమ ప్రాంతాన్ని, తూర్పు ప్రాంతాన్ని కలిపేటటువంటి అతి పొడవైన ఎక్స్ ప్రెస్- వే గా అవుతుంది. వాయు సేన విమానాలు దిగడాని కి, అత్యవసరమైనప్పుడు నింగి కి ఎగరడానికి సాయపడేందుకు 3.5 కిలోమీటర్ల పొడవుతో ఓ ఎయర్ స్ట్రిప్ ను కూడా శాహ్ జహాన్ పుర్ లో ఎక్స్ ప్రెస్ వేలో భాగంగా నిర్మించడం జరుగుతుంది. ఎక్స్ ప్రెస్- వే వెంబడి ఒక పారిశ్రామిక కారిడార్ ను సైతం నిర్మించాలన్న ప్రతిపాదన ఉన్నది.

పారిశ్రామిక అభివృద్ధి, వ్యాపారం, వ్యవసాయం, పర్యటన సహా ఇంకా అనేక రంగాల కు ఈ ఎక్స్ ప్రెస్- వే ఒక ఉత్తేజాన్ని కూడా అందిస్తుంది. ఇది ఆ ప్రాంతం లో సామాజిక అభివృద్ధి కి, ఆర్థిక అభివృద్ధి కి ఒక పెద్ద దన్ను గా నిలువగలదు.