IRS అధికారుల పేరిట ఓ నివేదిక. FAKE NEWS జాగ్రత్త

కొవిడ్‌-19 పరిస్థితులను చక్కదిద్దడానికి కొంతమంది IRS అధికారులు సూచనలు చేశారంటూ సామాజిక మాధ్యమాల్లో ఒక నివేదిక తిరుగుతోందని కేంద్ర ప్రత్యక్ష పన్నుల బోర్డు (CBDT) వెల్లడించింది. తాము IRS సహా ఏ ఇతర అధికారులను కొవిడ్‌-19 సంబంధిత నివేదిక అడగలేదని CBDT స్పష్టీకరించింది. వ్యక్తిగత అభిప్రాయాలు మరియు అధికారిక విషయాలపై ప్రజల్లోకి వెళ్ళే ముందు అధికారులు ఎటువంటి అనుమతి తీసుకోలేదని, ఇది ప్రవర్తన నియమావళి ఉల్లంఘననేని తేల్చి చెప్పింది. దీనిపై విచారణ ప్రారంభించినట్లు CBDT తెలిపింది.

CBDT/ ఆర్థిక మంత్రిత్వ శాఖ అధికారిక అభిప్రాయాలను సదరు నివేదిక ఏ విధంగానూ ప్రతిబింబించదని CBDT పునరుద్ఘాటించింది.