ఇప్పటిదాకా జీఎస్టీ వసూళ్ళలో అక్టోబర్ నెల టాప్ 

ఇప్పటిదాకా జీఎస్టీ వసూళ్ళలో అక్టోబర్ నెల టాప్

అక్టోబర్ జీ ఎస్టీ వసూళ్ళు రూ.1,30,127 కోట్లు

నిరుడు ఇదే నెల జీ ఎస్టీ కంటే ఈ అక్టోబర్ వసూళ్ళు 24% అధికం; 2019-20 కంటే 36% అధికం

2021 అక్టోబర్ లో వసూలైన స్థూల జీ ఎస్టీ ఆదాయం రూ. 1,30,127 కోట్లుగా నమోదైంది. ఇందులో కేంద్ర జీ ఎస్టీ రూ. 23,861 కోట్లు కాగా రాష్ట్రాల జీ ఎస్టీ రూ. 30,421 కోట్లు. ఐ జీ ఎస్టీ రూ. 67,361 కోట్లు కాగా ఇందులో వస్తువుల దిగుమతులకు సంబంధించిన రూ. 32,998 కోట్లు కలిసి ఉంది. దిగుమతులకు సంబంధించిన రూ. 699 కోట్లతో సహాయ సెస్ మొత్తం రూ. 8,484 కోట్లు. ఐజీ ఎస్టీ నుంచి ప్రభుత్వం సీ జీఎస్టీకి రూ. 27,310 కోట్లు, రాష్ట్రాల జీఎస్టీకి రూ. 22,394 కోట్లు సర్దుబాటు చేసింది. సర్దుబాటు అనంతరం ఆక్టోబర్ లో రూ. 51171 కోట్ల సీ జీ ఎస్టీ, రూ. 52,815 కోట్ల ఎస్ జీ ఎస్టీ ఉంది.

2021 అక్టోబర్ నెలకు వచ్చిన ఆదాయం నిరుడు ఇదే నెల ఆదాయం కంటే 24% ఎక్కువ. అదే సమయంలో 2019-20 కంటే 36% ఎక్కువ. ఈ నెలలో స్వదేశీ సరకుల ఎగుమతుల మీద ఆదాయం 39% అధికంగా నమోదైంది. నిరుడు ఆదాయంతో పోల్చుకుంటే 19% ఎక్కువ. అక్టోబర్ 2021 లో జీ ఎస్టీ ఆదాయం జీ ఎస్టీ మొదలుపెట్టినప్పటినుంచీ చూస్తే రెండో అతిపెద్ద వసూలు. ఈ ఏడాది ఏప్రిల్ లో వసూలైనదే అత్యధికం కాగా దానికి కారణం ఏడాది ముంగిపు కావటం మాత్రమే.

ఇది కోలుకుంటున్న ఆర్థిక వ్యవస్థకు నిదర్శనం. కరోనా రెండో వేవ్ తరువాత ఇంతగా పెరుగుదల కావటాన్ని కొత్త ఈ-వే బిల్స్ తయారుకావటంలోనే అర్థమవుతోంది. సెమీ కాండక్టర్ల దిగుమతిలో ఇబ్బందులు రావటం వల్ల కార్ల అమ్మకాలు పడిపోకపోతే ఈ ఆదాయం మరింత ఎక్కువగా ఉండేది. ఈ నెలలో పెరుగుదలను పట్టికలో చూస్తే ఆర్థిక వ్యవస్థ కోలుకోవటం స్పష్టంగా కనబడుతోంది.

కేంద్ర, రాష్ట్ర ప్రభుత్వాల పన్ను అధికారుల కృషి ఫలితంగా గత నెలకంటే వసూళ్ళు పెరిగాయి. పన్ను ఎగవేటాదారుల పట్ల కఠినంగా వ్యవహరించటంతోబాటు జీ ఎస్టీ కౌన్సిల్ అనుసరిస్తున్న బహుముఖ వ్యూహం ఫలితంగా జీ ఎస్టీ వసూళ్ళు పెరుగుతున్నాయి. అందరూ పన్ను చెల్లింపు విధానాలు పాటించేలా ఎస్ ఎం ఎస్ ద్వారా రిటర్న్స్ ఫైల్ చేయటం, ప్రతి త్రైమాసికానికీ పన్ను చెల్లింపు విధానం అమలు చేయటం కూడా సత్ఫలితాలనిచ్చాయి. మరోవైపు సకాలంలో రిటర్న్ లు సకాలంలో దాఖలు చేసేలా తీసుకుంటున్న కఠిన చర్యలు కూడా ఫలించాయి. రిటర్న్ లు దాఖలు చేయని వారి ఈ –వే బిల్లులు నిలిపివేయటం వలన కూడా వసూళ్ళు సక్రమంగా జరగటానికి దారితీశాయి.

దీనికి తోడు వివిధ సందర్భాలలో రిటర్న్ లు దాఖలు చేయటాన్ని ప్రోత్సహిస్తూ కౌన్సిల్ లేట్ ఫీజు రద్దు చేయటం వలన ఎప్పటికప్పుడు కట్టటానికి చాలామంది ముందుకొచ్చారు. ఆ విధంగా నెలనెలా పెరుగుతూ వచ్చింది. .2021 జులై లో 1.5 కోట్ల రిటర్న్స్ దాఖలయ్యాయి. సడలింపుల కారణంగా ఈ విధమైన పెరుగుదల సాధ్యమైంది.